लगानीन्युज/काठमाडौँ: 

श्रावण महिनाको तेश्रो हप्तापनि शेयर बजारले सकारात्मक दिशा समात्न सकेन। साताको नेप्से परिसूचक पहिलो दिनको तुलनामा ३ दशमलव ५१ अंकले घटेर अन्तिम दिन ११९१ दशमलव ३१ अंकमा पुगेको छ ।

यस साता नेपाल स्टक एक्सचेन्जमा १८१ कम्पनीहरुको कारोवार भएको छ।  यो साता १ अर्ब ७  करोड  रुपैयाको कारोवार भएको छ।  कारोवार रकम अघिल्लो साता भन्दा १ दशमलव ९४ प्रतिशतले धेरै हो।  अघिल्लो साता १ अर्ब ५ करोड बराबरको शेयर कारोवार भएको थियो।

हेरौ यस साताको नेप्से परिसूचक :

कारोबार रकमको अधारमा माछापुछ्रे बैंक लिमिटेड अग्रस्थानमा : 


यस साता कारोबार रकमको आधारमा माछापुछ्रे बैंक लिमिटेड अग्रस्थानमा रहेको छ । माछापुछ्रे बैंक लिमिटेडको  ६  करोड ८७ लाख  बाराबरको शेयर कारोवार भयो।  त्यस्तै एनएमबि बैंक लिमिटेडको ५ करोड ८० लाख बराबरको शेयर किन बेच भयो।

शेयरहरूको  बजार मूल्य सस्तो हुनु ,कम्पनीको मूल्य आम्दानी अनुपात निकै थोरै हुनुले लामो समय होल्ड गर्ने लगानीकर्ताको लागि राम्रो अवसर भएतापनि कारोबारीहरूलाई भने पर्ख र हेर को अवस्था हुन सक्छ।