काठमाडौं । ट्रंक र डेडिकेटेड लाइनको बक्यौता रहेका उद्योगीलाई किस्तामा पैसा तिर्न विद्युत् प्राधिकरणले ३० दिनको समय दिएको छ ।
प्राधिकरणले सार्वजनिक सूचना जारी गर्दै बक्यौता रहेका उद्योगीलाई ६० किस्तामा पैसा तिर्नको लागि ३० दिनको समय दिएको हो । किस्तामा पैसा तिर्ने सुविधा उद्योगीले सूचना प्रकाशित भएको ३० दिनभित्र लिनुपर्ने छ ।
ट्रंक लाइन र डेडिकेटेड तथा ट्रंक लाइनबाट विद्युत उपभोग गरेको कुल ६१ वटा उपभोक्ताहरुको २०८० मंसिर मसान्तसम्म कूल बक्यौता रकम २२ अर्ब २४ करोड रुपैयाँ रहेको प्राधिकरणले जनाएको छ।
प्रतिक्रिया दिनुहोस्