काठमाडौं। सरकारले नेपाल विद्युत् प्राधिकरणका प्रवन्ध निर्देशक कुलमान घिसिङलाई स्पष्टिकरण सोधपछि यसको जवाफमा बक्यौता रहेका उद्योगमा लाइन काटिने सूचना दिएका छन् ।

दशैं बिदा शुरु हुने अघिल्लो दिन बुधबार सरकारले प्राधिकरणका प्रवन्ध निर्देशक घिसिङलाई स्पष्टिकरण सोधेको थियो । प्राधिकरणले बिहीबार बक्यौता रहेका भनिएका उद्योगलाई महशुल तिर्नको लागि सूचना जारी गरेको छ ।

प्राधिकरणले कात्तिक ८ गतेभित्र बक्यौता तिर्नको लागि सूचना जारी गरेको छ । उद्योगीहरुले भने प्राधिकरणले प्रमाण नदिएर जबरजस्ती बिल पठाएको भन्दै विरोध गर्दै आएका छन् ।

ट्रंकलाइन र डेडिकेटेड लाइनको विवाद एक दशकदेखि जारी छ । प्राधिकरणमा प्रवन्ध निर्देशक घिसिङ तथा प्रधानमन्त्री रहेका केपी ओली र विगतमा प्रधानमन्त्री रहेका पुष्पकमल दाहाल प्रचण्ड र शेरबहादुर देउवाले यो विवाद सल्टाउन सकेका छैनन् । पछिल्लो समय प्रधानमन्त्री ओली कुलमानको विपक्षमा देखिएका छन् ।