काठमाडौं । बैंक तथा वित्तीय संस्थाले ब्याजदर घटाउने प्रभाव सेयर बजारमा देखिएको छ । साताको पहिलो आइतबार नेप्से परिसूचक ३१.६२ अंकले बढेको छ ।
नेप्सेमा पाँच अर्ब ३२ करोड रुपैयाँको सेयर किनबेच भएको छ । आइतबार अधिकांश बैंक तथा वित्तीय संस्थाले माघ महिनाको लागि ब्याजदर घटाउने सूचना सार्वजनिक गरेका थिए । निक्षेपसँगै कर्जाको समेत ब्याजदर घट्ने हुँदा लगानीकर्तामा उत्साह देखिएको छ ।
आइतबार नेप्सेमा ९ वटा कम्पनीको सेयर मूल्य १० प्रतिशतले बढेको छ । ९ देखि १० प्रतिशतभन्दा कमले सेयर मूल्य बढ्ने कम्पनी ९ वटा छन् ।
सबैभन्दा बढी मेगा म्युचुअल फण्डको सेयर मूल्य घटेको छ । नेप्सेमा आइतबार ३१४ कम्पनीको सेयर किनबेच भएको छ ।
प्रतिक्रिया दिनुहोस्