काठमाडौं । बैंकहरुमा ऋण दिनको लागि प्रयाप्त रकम भएसँगै निक्षेपको ब्याजदर घटेको छ ।
सञ्चालनमा रहेका सबैजसो वाणिज्य बैंकले माघ महिनाको लागि निक्षेपमा दिने ब्याजदरलाई घटाएका छन् ।
पुस महिनामा प्राइम कमर्शियल बैंकले मात्र एकवर्षको मुद्दती निक्षेपमा १० प्रतिशत ब्याजदर दिने योजना ल्याएको थियो । तर,माघ महिनाको लागि प्राइमले पनि ८.१० प्रतिशत ब्याजदर दिने प्रस्ताव गरेको छ ।
बैंकहरुको प्रकाशित ब्याजदर सूचि हेर्दा माघ महिनामा एनएमबि बैंकले ९ प्रतिशत ब्याजदर दिने छ । अरु बैंकहरुको औसतमा एकवर्षको मुद्दती निक्षेपमा ८ प्रतिशत ब्याजदर दिने छ ।
बैंकहरुले बचत खातामा ४ प्रतिशत ब्याजदर दिने छन् । बैंकहरुले निक्षेपको ब्याजदर घटाएसँगै औसतमा कर्जाको आधार दर समेत घटेको छ । अहिले बैंकहरुबाट साढे १० प्रतिशत ब्याजदरमा कर्जा पाउने अवस्था भएको छ ।
प्रतिक्रिया दिनुहोस्