काठमाडौं । फाइनान्स फ्रेन्ड प्रालि र समृद्धि फाइनान्सबीच वित्तीय साक्षरता प्रशिक्षण तथा कर्मचारीलाई विकासका कार्यक्रम सञ्चालन गर्ने साझेदारी भएको छ ।
सो साझेदारीपत्रमा फाइनान्स फ्रेन्डका तर्फबाट संस्थापक तथा अध्यक्ष रमेशप्रसाद जोशी र समृद्धि फाइनान्सको तर्फबाट नायब महाप्रबन्धक विनोदराज पौडेलले हस्ताक्षर गरेका हुन् ।
यस सहकार्यपछि फाइनान्स फ्रेन्ड प्रालिले समृद्धि फाइनान्सका कर्मचारीलाई बैंक तथा वित्तीय संस्थासँग सम्बन्धित वित्तीय तालिमका कार्यक्रमहरू उपलब्ध गराउने छ । साथै समृद्धि फाइनान्सको तर्फबाट वित्तीय साक्षरता कार्यक्रमहरू आयोजना गर्नेछ ।
प्रतिक्रिया दिनुहोस्