काठमाडौँ । ललितपुरमा नेपाल इन्भेष्टमेण्ट मेगा बैंकले बिहीबारदेखि २ वटा नयाँ शाखा विस्तार गरेको छ । सो बैंकले ललितपुर महानगरपालिका–१५ मा सातदोबाटो शाखा र ललितपुर महानगरपालिका–२५ मा भैंसेपाटी शाखा सञ्चालनमा ल्याएको हो । नयाँ शाखाहरुबाट बिहीबारदेखि नै सम्पूर्ण बैंकिङ सेवाहरु सुरु भएको छ ।
सो बैंकका प्रमुख कार्यकारी अधिकृत ज्योति प्रकाश पाण्डेले नयाँ शाखाहरुको उद्घाटन गरे । कार्यक्रममा सिइओ पाण्डेले नयाँ शाखाहरुबाट ग्राहकहरुलाई गुणस्तरीय बैंकिङ सेवा तथा सुविधाहरु दिने बताए । बैंकले हालसालै बाराको सिमरा, काठमाडौंको शंखमूल र अनामनगरमा नयाँ शाखाहरु सञ्चालनमा ल्याएकोे थियो ।
बैंकले हाल देशभरिमा २ सय ६६ शाखा, ६३ वटा एक्सटेन्सन काउन्टर, १ सय १३ वटा शाखारहित बैंकिङ र २ सय ५७ वटा एटीएममार्पmत सेवा प्रदान गरिरहेको छ ।
प्रतिक्रिया दिनुहोस्