काठमाडौं । सरकारले बजेटको मध्यावधि समीक्षा आज गर्ने भएको छ ।
अर्थमन्त्री डा प्रकाशरण महतले चालु आर्थिक वर्षको ६ महिनामा भएका उपलब्धीको बारेमा आज जानकारी दिनेछन् ।
अर्थमन्त्रीले लक्ष्य अनुसारको राजस्व संकलन नभएपछि चालु आर्थिक वर्षको लागि लिएको राजस्व संकलनको लक्ष्य घटाउने सम्भावना छ ।
सरकारले बजेटको मध्यावधि समीक्षा गरेपछि नेपाल राष्ट्र बैंकले मौद्रिक नीतिको मध्यावधि समीक्षा गर्ने छ ।
राष्ट्र बैंकले बैंकहरुमा बढ्दै गएको खराब कर्जा र यसले पुँजीकोषमा पुर्याएको क्षतिलाई सम्बोधन गर्ने गरेर नीति संशोधन गर्ने तयारी गरेको छ ।
प्रतिक्रिया दिनुहोस्