काठमाडौ । धितोपत्र ब्रोकर्स एसोसिएसन नेपाल (डिब्यान) प्रथम वार्षिक साधारणसभाबाट ४ वर्षका लागि नयाँ कार्यसमिति चयन भएको छ । काठमाडौंमा सम्पन्न संघको प्रथम साधारणसभाबाट अध्यक्ष सागर ढकालको नेतृत्वमा १३ सदस्यीय कार्यसमिति सोमबार सर्वसम्मत चयन भएको हो । 

प्रथम साधारणसभाबाट अध्यक्षमा सागर ढकाल, वरिष्ठ उपाध्यक्षमा अञ्जीव तुलाधर, उपाध्यक्षमा अतित लाल श्रेष्ठ, महासचिवमा कृष्ण गिरी कोषाध्यक्षमा सुमन कुमार मल्ल, सदस्यमा अधिवक्ता विष्णु गिरीलगायत आठ जना सदस्य निर्वाचित भएका छन् ।