काठमाडौं । सपोर्ट लघुवित्तको खुद नाफा ९४.९१ प्रतिशतले बढेर १ करोड २३ लाख ४० हजार रुपैयाँ पुगेको छ । अघिल्लो वर्षको यसैअवधिमा यसले ६३ लाख ३१ हजार रुपैयाँ खुद नाफा कमाएको थियो । यसअवधिमा खुद ब्याज आम्दानी र सञ्चालन नाफा बढेकाले खुद नाफा बढेको हो ।
खुद ब्याज आम्दानी ८.७८ प्रतिशतले बढेर ४ करोड ९१ लाख ८१ हजार रुपैयाँ पुगेको छ । सञ्चालन नाफा १२०.९३ प्रतिशतले बढेर १ करोड ३३ लाख ३३ हजार रुपैयाँ पुगेको छ । खराब कर्जा १.७८ प्रतिशत विन्दुले घटेर १.४७ प्रतिशतमा आएको छ ।
ब्याज आम्दानी र सञ्चालन नाफा बढेको छ भने खराब कर्जा घटेको छ । यसैकारण खुद नाफामा आकर्षकण बढोत्तरी हुन सकेको हो । चैत मसान्तसम्म आइपुग्दा यसको चुक्ता पुँजी ९ करोड ५२ लाख ३८ हजार रुपैयाँ छ । प्रतिसेयर आम्दानी १७ रुपैयाँ २८ पैसा छ ।
प्रतिक्रिया दिनुहोस्