काठमाडौं । साताको पहिलो दिन आइतबार नेपाली बजारमा सुनको मूल्य चार सय रुपैयाँ ले बढेको छ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ३७ हजार ६ सय रुपैयाँ र तेजाबी सुन प्रतितोला १ लाख ३६ हजार ९ सय ५० रुपैयाँमा कारोबार भइरहेको छ।
शुक्रबार छापावाल सुन प्रतितोला १ लाख ३७ हजार २ सय रुपैयाँ र तेजाबी सुन प्रतितोला १ लाख ३६ हजार ५ सय ५० रुपैयाँमा कारोबार भएको थियो।
त्यसैगरी, आइतबार चाँदीको मूल्य भने १५ रुपैयाँले घटेको छ। शुक्रबार प्रतितोला १६ सय ७५ रुपैयाँमा कारोबार भएको चाँदी आइतबार प्रतितोला १ हजार ६ सय ६० रुपैयाँमा किनबेच भइरहेको छ।
आज अन्तर्राष्ट्रिय बजारमा भने सुन प्रतिऔंस २३ सय ३८ अमेरिकी डलरमा कारोबार भइरहेको छ।
प्रतिक्रिया दिनुहोस्