काठमाडौं । अर्थमन्त्री वर्षमान पुनले चालु आर्थिक वर्षदेखि हरित कर भनेर पेट्रोलियम पदार्थ तथा कोइलामा कर थपेका छन् ।
आयातमा लाग्ने हुँदा भोलिदेखि नै आयात भएका बस्तुमा यस्तो कर लाग्ने छ ।
अर्थमन्त्री पुनले कोइला,पेट्रोल र डिजेलजस्ता बस्तुमा यस्तो कर लगाएका छन् ।
नेपाल उद्योग परिसंघका अध्यक्ष राजेश अग्रवाल हरित करले गर्दा निर्माण क्षेत्रको लागत बढ्ने बताउँछन् ।
“सरकारले कोइलामा हरित कर लगाएको छ,”अग्रवालले लगानीन्यूजसँग भने,“यसले बढ्ने भनेको निर्माण क्षेत्रको लागत हो।”
सरकारले कोइलामा प्रतिकिलो ०.५० रुपैयाँको दरले हरित कर लगाएको छ । यस्तै पेट्रोल र डिजेलमा १ रुपैयाँले हरित कर लगाएको छ ।
जसले गर्दा पेट्रोलियम पदार्थको मूल्य लिटरमा करिब डेढ रुपैयाँ अहिलेको हिसाबले बढ्ने छ ।
प्रतिक्रिया दिनुहोस्