काठमाडौं । चालु आर्थिक वर्षको ११ महिनाको अवधिमो विदेशबाट १ करोड बढीको टुथपिक (दाँत कोट्याउने सिन्का) आयात भएको छ । भन्सार विभागको तथ्यांकअनुसार चालु आर्थिक वर्षको जेठ महिनासम्मको अवधिमा नेपालमा १ करोड १ लाख ६३ हजार रुपैयाँ बराबरको टुथपिक आयात भएको हो ।
यो गत वर्षको सोही अवधिको तुलनामा यो निकै बढी हो । गत वर्षको सोही अवधिमा ४० लाख ४६ हजार रुपैयाँको मात्रै टुथपिक आयत भएको थियो । चालु आर्थिक वर्षको ११ महिनामा गत आर्थिक वर्षको सोही अवधिको तुलनामा करिब तीन गुणा बढी टुथपिक नेपाल आयात भएको तथ्यांकले देखाएको छ ।
गत आवको ११ महिनाको अवधिमा विदेशबाट १२ हजार ४१२ केजी टुथपिक आयत भएको थियो भने चालु आर्थिक वर्षको सोही अवधिमा ३१ हजार ४७८ केजी टुथपिक आयात भएको सरकारी तथ्यांक छ ।
प्रतिक्रिया दिनुहोस्