काठमाडौं । कामना सेवा विकास बैंकले संस्थापक सेयरधनीहरूको नाममा रहेको १ लाख ४ हजार ८८ कित्ता संस्थापक सेयर बिक्रीमा ल्याएको छ । बैंकले हाल बैंकका साविक संस्थापक सेयरधनीहरूले मात्रै किन्न पाउने गरी सो सेयर बिक्रीमा ल्याएको हो ।
यो सेयर किन्न इच्छुक संस्थापक सेयरधनीले आवश्यक कागजात सहित किन्न चाहेको सेयर विवरण खुलाई ३५ दिनभित्र काठमाडौंको ज्ञानेश्वरस्थित बैंकको केन्द्रीय कार्यालयमा निवेदन दिनुपर्ने छ ।
तोकिएको म्यादभित्र संस्थापक शेयरधनीहरूबाट सेयर खरीदका लागि आवेदन नपरेमा उक्त शेयर सर्वसाधारणमा बिक्री खुला गरिने बैंकले जनाएको छ ।
प्रतिक्रिया दिनुहोस्