काठमाडौं । विश्वभरका धेरै बैंक, एयरलाइन्स र दूरसञ्चार सेवाको काम अचानक ठप्प भएको छ ।

धेरै टेलिभिजन र प्रसारण कम्पनीहरूको प्रसारण पनि रोकिएको छ। माइक्रोसफ्टको सर्भर डाउन भएका कारण यो समस्या देखिएको हो । माइक्रोसफ्टले यसलाई ठीक गर्न प्रयास गरिरहेको जनाएको छ ।

सूचना प्रविधि प्रणालीमा खराबीका कारण सिड्नी विमानस्थल र युनाइटेड एयरलाइन्सका विमानको उडान बन्द भएको छ ।

भारतको राजधानी दिल्लीको बिमानस्थलले ट्विट गर्दै विश्वव्यापी आईटी संकटका कारण आफ्ना केही सेवा प्रभावित भएको जानकारी दिएको छ ।

दिल्ली एयरपोर्टका अनुसार यात्रुको समस्या कम गर्न सबै साझेदारहरूसँग सम्पर्कमा रहेको छ ।

अमेरिकाको युनाइटेड, डेल्टा र अमेरिकन एयरलाइन्सले विश्वभर आफ्नो उडान बन्द गरेका छन् ।

बेलायतमा रेल कम्पनीहरूको सञ्चालन रोक्ने सम्भावना छ।

एउटा ठूलो ट्रेन कम्पनीले आईटी समस्याहरू ठूलो मात्रामा सामना गरिरहेको छ, जसले ट्रेनहरूको सञ्चालनलाई असर गर्न सक्छ।

प्रणाली बन्द भएकाले बर्लिन एयरपोर्टमा चेक(इनमा समस्या छ। आईटी समस्याहरू स्पेनका सबै एयरपोर्टहरूमा सुरु भएको रिपोर्ट गरिएको छ। स्काई न्यूज च्यानल बेलायतमा बन्द भएको छ। अष्ट्रेलियामा दूरसञ्चार समूह टेलस्ट्राको सेवा अवरुद्ध भएको छ । अस्ट्रेलियाको सिड्नीमा विमान उडान प्रभावित भएको छ । युनाइटेड एयरलाइन्सले आफ्नो हवाई सेवा बन्द गरेको छ ।