काठमाडौं । काठमाडौंको नक्सालमा शुक्रबारदेखि पाँचतारे हिल्टन होटल्सले हिल्टन थपिएकोे छ । विलासी आवास र असाधारण आतिथ्यताका लागि विश्वभर प्रख्यात होटल हिल्टन रहेको छ । जगदम्बा हस्पिटालिटी ग्रुप लिमिटेडले ८ अर्ब रुपैयाँ लगानीमा पाँचतारे स्तरको यो होटल सञ्चालनमा ल्याएको हो।

हिल्टन ब्रान्डमा नेपालमा सञ्चालनमा ल्याइएको हिल्टन होटल्सको यो पहिलो होटल हो । यो होटलको बाहिरी आवरण पूरै काँचबाट बनाइएको छ। यी काँचमा सूर्यको प्रकाशसँगै काँचको रङ परिवर्तन भइरहन्छ। कुल ३९ वटा अति विशिष्ट कोठा रहेको १५ तल्ले यो होटलमा कुल १ सय ७४ कोठा छन् । होटलमा आधुनिक, चिनियाँ र तिब्बती झल्को दिने सजावटसँगै कार्पेट र भित्ताहरूमा ढाका कपडाको प्रयोगबाट नेपालीपनको झल्को दिने प्रयास गरिएको छ।

ककटेल मिक्सोलजी सत्र र रात्रिभोजमा, होटलका महाप्रबन्धक श्रीधर थोटाले हिल्टन काठमाडौंले आफ्ना पाँचवटा आउटलेटहरूमा अनौठो अनुभवसहित खानपिनका लागि सहरको प्रसिद्ध पकवानहरू आगन्तुकलाई खुवाउने लक्ष्य राखेको बताएका छन्। उक्त होटलले जुलाई पहिलो सातादेखि ‘सफ्ट लञ्च’ सुरु गरेको हो ।

होटलको १५ औं तलामा छतमा पोखरी छ, जुन सहरको सबैभन्दा उच्च तापक्रम नियन्त्रित बाह्य पौडी पोखरी हो (पुलको ओछ्यानमा राति उज्यालो हुने सेन्सरहरू जडान गरिएको छ। यसलाई दुईवटा पानी पिउने प्वालहरूद्वारा जोडिएको छ । एक आउटडोर बार लिरा, र इनडोर स्पेस ओरियन, जसले सहरमा स्थानीय सामग्रीहरू प्रयोग गरेर ककटेलहरू पस्किन्छ। यो पोखरी परिसर रात छिप्पिदै जाँदा नाइटक्लबमा परिणत हुन सक्छ।

उक्त होटलको १३ औं तल्लामा रहेको एएसए काठमाडौंको सबैभन्दा माथिल्लो तल्लामा अवस्थित खानपिन गर्न मिल्ने सुविधा भएको भोजनालय छ, जहाँ भुइँदेखि छतसम्मका काँचका झ्यालहरू र सहरको मनोरम दृश्यहरू प्रदान गर्ने टेरेसहरू छन्। यो भोजनालयमा एसियाली भाडादेखि नेपाली र भारतीय थालीहरू, र बिहानको खाजाका लागि दक्षिण भारतीयसम्मको बहु(व्यंजन सूची समावेश गरिएको छ। लबी लेभलमा बिस्ट्रो, लाभा बक्स, बाहिरी बार र लाउन्ज रहेको छ।

उक्त होटल कुल ६ अर्ब ८५ करोड ४० लाख रुपैयाँ लागत अनुमान गरिएकोमा कोरोना महामारी लगायतको कारणले निर्माण कार्य ढिलो गरी सम्पन हुँदा यसको लागत बढेर ८ अर्ब रुपैयाँ पुगेको छ। यस आधारमा एउटा कोठाको औसत लागत रकम ४ करोड ५९ लाख रुपैयाँ हुन जान्छ ।

एक रातको बसाईका लागि २६ हजार रुपैयाँसम्म लाग्ने यो होटलले सुरुवाती योजनाअन्तर्गत दुई रातको बासका लागि ३८ हजार रुपैयाँ निर्धारण गरेको छ।

होटलमा कार्यरतमध्ये ४५ प्रतिशत जनशक्ति महिला छन् भने ७ प्रतिशत जनशक्ति फरक क्षमताका छन् । पेट्रोलियम इन्धनको प्रयोगलाइ न्यूनीकरण गर्न होटलले ग्राहकको सेवाका लागि इलेक्ट्रिक कार प्रयोगमा ल्याएको छ । साथै होटल परिसरमै इलेक्ट्रिक चार्जिङ स्टेशनको समेत प्रबन्ध छ ।

उद्योग क्षेत्रमा दुई दशक लामो अनुभव संगालेका शंकर ग्रुपका प्रबन्ध निर्देशक साहिल अग्रवालको यो होटलमा ९० प्रतिशत शेयर स्वामित्व रहेको छ। होटल निर्माणका लागि ५ अर्ब २ करोड २० लाख रूपैयाँ बैंक ऋणको रेटिङसमेत गरिएको छ।

हिल्टन काठमाडौं ११८ देशमा रहेका हिल्टनका ६ हजार २ सय १५ होटलहरूको सूचीमा सामेल हुँदा नेपाललाई विलासी यात्रा गन्तव्यको रूपमा प्रचार गर्न सघाउ पुग्नेछ ।