एजेन्सी । चीनको एयरलान्यस उद्योगमा हरेक वर्षको परम्परागत गर्मीको मौसम सुरु हुन्छ । अर्थात् जुलाई र अगस्टमा एयरलाइन्स, एयरपोर्ट, नियामक, र हवाई ट्राफिक नियन्त्रण युनिटमा यात्रुको अत्यधिक चापले गर्मी सुरु हुन्छ । यस समयमा चीनको नागरिक उड्डयनमा कुल यात्री संख्याले वार्षिक मागको २० प्रतिशतभन्दा बढी पुग्छ ।
दुई हप्ताअघि, जुलाई १२ मा चीनको नागरिक उड्डयन प्रशासनले आफ्नो मासिक पत्रकार सम्मेलनमा सन् २०२४ को गर्मीको उच्च सिजन जुलाई १ मा सुरु भएको हो र अगस्ट ३१ मा समाप्त हुनेछ । जसको अवधि ६२ दिनको हुनेछ । यस समयमा कुल हवाई यात्री संख्या १३३ मिलियन पुग्ने अपेक्षा गरिएको छ । जुन दैनिक २१ लाख ५० हजार यात्रु हुन्छ । यो सन् २०१९ का तुलनामा १० प्रतिशत र सन् २०२३ को तुलनामा पाँच प्रतिशतले बढी हो ।
अगस्टमा मात्रै २० हजारभन्दा बढी उडान गर्ने एयरलाइन्स
चाइना साउथर्न एयरलाइन्स
चाइना साउथर्न एयरलाइन्सले आगामी अगस्टमा चीनमा ७० हजार ४४६ आन्तरिक उडानको प्रस्ताव गर्ने योजना बनाएको छ । जसले १२ करोड ४४ लाख तीन सय ३८ सिट र १० अर्ब ९७ करोड ६८ लाख ७९ हजार ९७ उपलब्ध सिट माइल उपलब्ध हुनेछ । एयरलाइन्सका अनुसार, समूहले जुलाई १ देखि अगस्ट ३१ सम्म लगभग २० हजार उडान सञ्चालन गर्ने योजना बनाएको छ । जसको औसत तीन हजार तीन सय उडान प्रतिदिन हुनेछ । गर्मीको छुट्टीको समयमा, चाइना साउथर्न एयरलाइन्सले एक सयभन्दा बढी रुटमा थप उडानका लागि तालिका बनाउने योजना बनाएको छ । जसमा १४ हजारभन्दा बढी थप उडानहरू समावेश छन् ।
चाइना इस्टर्न एयरलाइन्स
चाइना इस्टर्न एयरलाइन्सले आगामी अगस्टमा चीनमा ६९ हजार ५१८ आन्तरिक उडानको प्रस्ताव गर्ने योजना बनाएको छ । जसबाट एक करोड १३ लाख ५४ हजार ६८२ सिट उपलब्ध हुनेछ । गर्मीको उच्च मौसमको उडान योजनामा, एयरलाइन्सले प्रतिदिन तीन हजार २१३ यात्रु उडान सञ्चालन गर्ने योजना बनाएको छ । जुन सन् २०१९ को सोही अवधिको तुलनामा १३ प्रतिशतले बढी हो । चाइना इस्टर्न एयरलाइन्सले गर्मीको उच्च सिजनमा लोकप्रिय गन्तव्यहरूमा नयाँ उडानहरू थप्ने योजना बनाएको छ ।
एयर चाइना
एयर चाइना आगामी अगस्टमा चीनमा ४९ हजार ३२३ आन्तरिक उडानहरू प्रस्ताव गर्ने योजना बनाएको छ । जसबाट ८८ लाख ६३ हजार ३४२ सिट उपलब्ध हुनेछ । एयर चाइनाले अन्तर्राष्ट्रिय मार्गमा पनि क्षमता बढाइरहेको छ भने घरेलु रूपमा पनि प्रमुख गन्तव्यमा उडान थपको योजना बनाएको छ ।
अन्य प्रमुख एयरलाइन्स कम्पनी
चौथोदेखि छैटौं स्थानसम्मका हाइनान एयरलाइन्स, शेन्जेन एयरलाइन्स, र सिचुआन एयरलाइन्सले क्रमशः २४ हजार ८५०, २३ हजार ८२३ र २१ हजार ७९२ घरेलु उडानको योजना बनाएका छन् । चाइना साउथर्न एयरलाइन्स र चाइना इस्टर्न एयरलाइन्सले अगस्टमा २० हजारभन्दा बढी घरेलु उडानहरू सञ्चालन गर्ने अपेक्षा गरिएको छ ।
हाइनान एयरलाइन्सका अनुसार, एयरलाइन्सले गर्मीको उच्च सिजनमा प्रति दिन ८६४ उडान सञ्चालन गर्ने अपेक्षा गरेको छ । जुन वार्षिकरुपमा १०.६ प्रतिशतले बढी हो । एयरलाइन्सले ८० लाखभन्दा बढी घरेलु यात्रुहरुलाई यातायात गर्ने योजना बनाएको छ । जुन लगभग पाँच प्रतिशतले बढी हो ।
हाइनान एयरलाइन्सले गर्मीको उच्च सिजनमा पाँच सयभन्दा बढी मार्ग सञ्चालन गर्नेछ । जसले चीनभर ८० भन्दा बढी शहर लाई समेट्नेछ । यस एयरलाइन्सले २० नयाँ मार्गमा पनि उडान सुरु गर्दैछ ।
शेन्जेन एयरलाइन्स गर्मीको उच्च सिजनमा छेंग्दुबाट प्रस्थान गर्ने मार्गहरूमा ध्यान केन्द्रित गर्दैछ। एयरलाइन्सले छेंग्दुबाट तीन नयाँ सांस्कृतिक र पर्यटन मार्ग सुरू गर्नेछ । दुई विद्यमान रुटमा आवागमन बढाउनेछ ।
प्रतिक्रिया दिनुहोस्