बीबीसी । बीबीसी वर्ल्ड सर्विसको एक वर्षको खोजी रिपोर्टले जनवरी २०२२ देखि जनवरी २०२ सम्म चिनियाँ नागरिकमाथि एक खर्बभन्दा रकम बराबरको ठगी भएको खुलासा गरेको छ । यस रिपोर्टमा कसरी र कहाँबाट लगानीका नाममा मानिसहरूलाई लाखौं डलर ठगी गरिएको विषय खुलाइएको छ । यो ठगी चीनबाट धेरै टाढा, एउटा सानो टापु आइल अफ म्यानबाट सञ्चालन गरिएको थियो ।
आइल अफ म्यानमा सरकार चीनकै हो । तर यो ब्रिटेनको शाही परिवारमा निर्भर छ । यस ठगीको घटनामा आइल अफ म्यानमा समुद्र किनाराका होटेलहरू र पहिलेका बैंक कार्यालयहरूको प्रयोग गरेर चिनियाँ नागरिकहरूलाई लाखौं डलरको ठगी गरिएको पाइएको छ ।
ठगीका मुख्य व्यक्तिहरूको महत्त्वाकांक्षा र अदालतका कागजातहरूसम्म पहुँच पु¥याउन सफल भएको छ । साथै, लिक भएका दस्तावेजहरूसम्म पनि बीबीसीले पहुँच पु¥याएको छ।
पिग बुचरिङ के हो?
चिनियाँ अदालतका दस्तावेजहरू अनुसार, जनवरी २०२२ देखि जनवरी २०२३सम्म भएका यी ठगीका घटनाहरूमा पिग बुचरिङ नामक प्रविधि प्रयोग गरिएको थियो । यस प्रविधिमा पहिला मानिसहरूको विश्वास जितिन्छ, र त्यसपछि उनीहरूको निजी जानकारी वा पैसा ठगिन्छ । यस प्रक्रियामा मानिसहरूको विश्वास जित्न सफल हुनु ठगीको प्रमुख शर्त हो ।
त्यहाँ काम गर्ने जॉर्डन (असली नाम होइन) नामक व्यक्तिले आफू आइल अफ म्यान पुगेपछि त्यहाँ हुने व्यापारबारे कुनै जानकारी थिएन । सुरुमा उनले सोचेका थिए कि उनले स्थिर प्रशासनिक जागिर पाएका छन् । तर पछि उनले आफ्नो नियुक्ति दिनेले धेरै कुरा लुकाइराखेको देखे । कुनै पनि सामाजिक कार्यक्रमको फोटो लिन निषेध गरिएको थियो ।
सन् २०२१ को अन्त्यमा झण्डै १०० व्यक्तिहरूलाई एमआईसी नामक कम्पनीमा काम गर्न आइल अफ म्यान ल्याइएको थियो । ती मानिसहरू फिलिपिन्सबाट आएका थिए र यसअघि अर्को स्क्यामिङ कम्पनीमा काम गरेका थिए । एमआईसीको पूरा नाम म्यान्क्स इन्टरनेट कमर्स थियो ।
एमआईसी र अन्य सम्बन्धित कम्पनीहरूको स्वामित्व एउटै व्यक्तिको थियो । यी कम्पनीहरूमध्ये किंग गेमिङ लिमिटेड एक प्रमुख कम्पनी थियो, जसले अनलाइन क्यासिनो सञ्चालन गर्दथ्यो । यद्यपि चीनमा जुवा खेल्न अवैध छ।
दोषी ठहराइएका व्यक्तिहरू
ठगी गर्ने कम्पनीका संस्थापकहरू चिनियाँ नागरिकहरूलाई निशाना बनाउन र आइल अफ म्यानमा जुवामा कम करहरूको फाइदा उठाउन चाहन्थे । केही महिनापछि एमआईसीका कर्मचारीहरूलाई डगलस शहरको पूर्वतर्फ रहेको बैंकको पुरानो कार्यालय भवनमा सारियो । त्यहाँ काम गर्ने जॉर्डनका अनुसार उनका सहकर्मीहरू तब मात्र खुसी मनाउँथे जब उनीहरूले चीनबाट कसैलाई ठग्न सफल हुन्थे ।
यस घटनामा डगलसमा एमआईसीका लागि काम गरिरहेका ६ व्यक्तिहरूलाई चीन फर्केपछि चिनियाँ नागरिकहरूसँग ठगी गरेको आरोपमा दोषी ठहराइएको थियो । सन् २०२३ को अन्त्यमा भएको सुनुवाइमा अवैध पैसासँग सम्बन्धित सबै जानकारी बाहिर आएको थियो । अदालतका कागजातहरू अनुसार, आइल अफ म्यान र फिलिपिन्सका ठेगानाहरूबाट ठगहरूले चिनियाँ नागरिकहरूलाई फसाएका थिए ।
नक्कली लगानी योजना
चिनियाँ निवेशकहरूलाई फसाउन ठगहरूले व्हाट्सएपजस्तै लोकप्रिय क्यूक्यू नामक मेसेजिङ एप प्रयोग गर्थे । ठगहरूले आफूलाई लगानी शिक्षकको रूपमा प्रस्तुत गर्थे, र अरू मानिसहरूले नक्कली चेलाको अभिनय गर्थे । यसले अन्य मानिसहरूलाई पनि लगानी गर्न उत्प्रेरित गथ्र्यो ।
यी ठगी कम्पनीहरूको एक मात्र पैसा कमाउने बिल मोर्गन नामक व्यक्तिले चलाएका थिए । जसलाई लियाङ लिङफेई पनि भनिन्थ्यो । चिनियाँ अदालतका कागजातहरूमा पनि लियाङलाई एमआईसीको सह–संस्थापकका रूपमा चिनाइएको छ । तर लियाङमाथि अहिलेसम्म औपचारिक मुद्दा चलाइएको छैन ।
महत्त्वाकांक्षी योजना
आइल अफ म्यानमा एमआईसीले २०२३ को अन्त्यतिर एक नौसेना तालिम बेसलाई आफ्नो मुख्यालयको रूपमा विकास गर्ने योजना बनाएको थियो । यो परियोजनालाई आइल अफ म्यानको सबैभन्दा ठूलो निजी लगानीको रूपमा व्याख्या गरिएको थियो । योजनामा अपार्टमेन्ट, स्पा, बार, र कराओके लाउन्जहरू समावेश थिए ।
यो पिग बुचरिङ ठगी उद्योगको वार्षिक विश्वव्यापी राजस्व ६० अर्ब डलरभन्दा बढी छ । संयुक्त राष्ट्रको ड्रग्स र अपराध कार्यालयका प्रतिनिधि मसूद करीमीपुरका अनुसार यो पश्चिमी देशबाट सञ्चालन भएको पहिलो प्रमुख घोटाला हो ।
आइल अफ म्यानको प्रहरीले अप्रिलमा बैंक अफिसहरूमा छापा मारेको थियो र किंग गेमिङ लिमिटेडसँग सम्बन्धित ठगी र मनी लाउन्ड्रिङ मुद्दामा सात व्यक्तिहरूलाई गिरफ्तार गरेको थियो । पछि तीन व्यक्तिहरू थप गिरफ्तार गरिएका थिए ।
अदालतले एमआईसी र यससँग सम्बन्धित कम्पनीहरूको लाइसेन्स रद्द गरिसकेको छ । पार्कल्यान्ड क्याम्पसको पुनःविकास कार्य पनि अनिश्चितकालका लागि रोकिएको छ ।
प्रतिक्रिया दिनुहोस्