काठमाडौं । नेपाली बजारमा सोमबार पनि सुनको मूल्य घटेको छ । गत साता ६ दिन नै बढेको सुन आज तोलामा १०० रुपैयाँले सस्तो भएको हो ।
अघिल्लो दिन पनि सुनको मूल्य तोलामा ६०० रुपैयाँले घटेको थियो । आज नेपाली बजारमा छापावाला सुनको मूल्य तोलामा १ लाख ६० हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । अघिल्लो दिन सुन तोलामा १ लाख ६० हजार ६०० रुपैयाँमा कारोबार भएको थियो ।
महासंघका अनुसार आज चाँदीको मूल्य पनि तोलामा ५ रुपैयाँले सस्तो भएको छ । आज चाँदी तोलाको १ हजार ९४० रुपैयाँमा कारोबार भइरहेको छ । अघिल्लो दिन चाँदीको मूल्य तोलामा १ हजार ९४५ रुपैयाँ रहेको थियो ।
प्रतिक्रिया दिनुहोस्