काठमाडौं । सेयर कारोबार हुने साताको दोस्रो दिन नेप्से परिसूचकमा हरियाली छाएको छ । आज सेयर बजार परिसूचक १.०४ प्रतिशतले बढेर हरियाली छाएको हो ।

आज सेयर बजार परिसूचक २७ दशमलव ४१ अंकले बढेर २६४५ दशमलव ३६ विन्दुमा पुगेको छ । आज सेयर बजारमा कारोबार भएका कम्पनीमध्ये २१३ कम्पनीको सेयर मूल्य बढेको छ भने २८ कम्पनीको सेयर मूल्य घटेको छ । त्यस्तै २ कम्पनीको सेयर मूल्य भने स्थिर रहेको छ ।

त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ३ दशमलव २१ अंकले बढेर ४७३ दशमलव ०२ विन्दुमा पुगेको छ । आज सेयर बजारमा १३ उपसूचकमध्ये सबैको सेयर मूल्य बढेको छ ।

परिसूचकसँगै आज कारोबार रकममा पनि सामान्य सुधार देखिएको छ । अघिल्लो दिन ४ अर्ब ७३ करोड बढीको कारोबार भएको बजारमा आज ५ अर्बभन्दा माथिको कारोबार भएको छ । आज सेयर बजारमा ३०७ कम्पनीका १ करोड ४ लाख १८ हजार ९२६ कित्ता सेयर ५८ हजार ५५२ पटक खरिद बिक्री हुँदा ५ अर्ब ३४ करोड ४८ लाख ९१२ रुपैयाँ बराबरको कारोबार भएको छ ।

आज सेयर बजारमा कारोबार भएका कम्पनीमध्ये दुई कम्पनीको सेयर मूल्यमा सकारात्मक सर्किट लागेको छ । आजको कारोबार बन्द हुँदा जानकी फाइनान्स र दोल्ती पावरको सेयर मूल्यमा सकारात्मक सर्किट लागेको हो ।