काठमाडौं । सडक स्तरोन्नतिका निम्ति सीतापाइला–धार्के सडकखण्ड फेरि १५ दिन बन्दा गरिने जिल्ला प्रशासन कार्यालय धादिङले जानकारी गराएको छ ।
यही कात्तिक २३ देखि १५ दिनसम्म सडक बन्द गरेर कालोपत्रे गरिनेछ । त्यस अवधिमा उक्त सडकखण्डमा एम्बुलेन्स, सुरक्षा निकायले प्रयोग गर्ने र हलुका (चारपांग्रे)बाहेकका सबै प्रकारका सवारीसाधनलाई पूर्ण रूपमा रोकिने जिप्रकाले जनाएको छ ।
काठमाडौंको सीतापाइलादेखि धादिङ धार्केबजारसम्मको उक्त सडकखण्डको दूरी २४ किलोमिटर छ । त्यस अवधिमा वैकल्पिक माग प्रयोग गर्न प्रशासनले आग्रह गरेको छ । यही कात्तिक ६ देखि १२ गतेसम्म पनि उक्त सडकखण्ड कालोपत्रका निम्ति बन्द गरिएको थियो ।
प्रतिक्रिया दिनुहोस्