काठमाडौं । आइतबारको सेयर कारोबार जारी रहँदा सिर्जनशील लघुवित्तको सेयर मूल्यमा सकारात्मक सर्किट लागेको छ । यो कम्पनीको सेयर मूल्यमा दिउसो २ बजेको समयमा सर्किट लागेको हो ।
आज समग्र बजार बढी रहँदा यो कम्पनीको सेयर मूल्य १९३ रुपैयाँ ७० पैसाले बढेर २ हजार १३० रुपैयाँ ७० पैसा पुगेको छ । यो अघिल्लो कारोबार भन्दा १० प्रतिशतले धेरै हो । आजको कारोबार जारी रहँदा गुराशँ लघुवित्त, सुपर मादी हाइड्रोपावर, बलेफि हाइड्रोपावर र नारायणी डेभलपमेन्ट बैंकको सेयर मूल्यमा पनि सकारात्मक सर्किट लागेको छ ।
आजको दिउसो २ बजेको कारोबार समयमा समग्र सेयर बजार परिसूचक ५२ दशमलव ६९ अंकले बढेर २७२८ दशमलव २१ विन्दुमा पुगेको छ । यो अघिल्लो कारोबार भन्दा १.९६ प्रतिशतले बढी हो । यो अवस्था सेयर बजारमा ७ अर्ब १० करोड बढीको कारोबार भएको छ ।
प्रतिक्रिया दिनुहोस्