काठमाडौं । नेपाली बजारमा आज पनि सुनको मूल्य बढेको छ । अघिल्लो दिन पनि प्रतितोला १ हजार रुपैयाँले बढेको सुनको मूल्य आज तोलामा १ हजार ५०० रुपैयाँले महंगो भएको हो ।
नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा १ लाख ६५ हजार ५०० रुपैयाँमा कारोबार भइरहेको छ । अघिल्लो दिन सुन तोलाको १ लाख ६४ हजार रुपैयाँमा किनबेच भएको थियो । पछिल्ला केही दिनहरुमा सुनको मूल्य लगातार रुपमा बढी रहेको छ ।
त्यसैगरी, आज चाँदीको मूल्य भने घटेको छ । महासंघको अनुसार आज चाँदी प्रतितोला १ हजार ९४० रुपैयाँमा कारोबार भइरहेको छ । अघिल्लो दिन चाँदी तोलाको १ हजार ९५० रुपैयाँमा कारोबार भएको थियो । आज चाँदी अघिल्लो दिनको भन्दा १० रुपैयाँले सस्तो भएको छ ।
प्रतिक्रिया दिनुहोस्