काठमाडौं । नेपाल राष्ट्र बैंकले आज (बुधबार) एकैपटक बजारबाट १०० अर्ब रुपैयाँ उठाउने भएको छ । बजारमा अधिक तरलता भएसँगै राष्ट्र बैंकले उक्त रकम उठाउन लागेको हो ।
२१ दिन अवधीका लागि राष्ट्र बैंकले उठाउन लागेको १०० अर्ब रुपैयाँको साँवा तथा ब्याज बैंकहरुले पुस ३ गते फिर्ता पाउनेछन्। क, ख र ग वर्गका बैंक तथा वित्तीय संस्थाहरुले घटीमा १० करोड र बढीमा ५ करोडले भाग गर्दा निःशेष आउने अंक बराबरको निक्षेप राष्ट्र बैंकमा राख्न सक्ने बैंकले जनाएको छ ।
बैंकहरुले त्यसरी राखेको निक्षेपको ब्याजदर भने बोल कबोलका माध्यमबाट निर्धारण हुनेछ । अर्थात् सबैभन्दा थोरै ब्याजदर कबोल गर्ने बैंक तथा वित्तीय संस्थाको निक्षेप राष्ट्र बैंकले स्वीकार गर्ने छ । यसका लागि दिउँसो २ बजे अनलाइनमार्फत बोलकबोल हुने छ ।
प्रतिक्रिया दिनुहोस्