काठमाडौं । साताको अन्तिम कारोबार दिन सुनको मूल्य घटेको छ । अघिल्लो दिन ३ सय रुपैयाँले बढेको सुनको भाउ आज ६ सय रुपैयाँले घटेको हो ।
नेपाल सुन चाँदी व्यवसायी महासंघका अनुसार आज सुनको भाउ प्रतितोलामा ६ सय रुपैयाँले घटेर प्रतितोला १ लाख ५० हजार १ सय रुपैयाँमा कारोबार भइरहेको छ । हिजो सुन प्रतितोला १ लाख ५० हजार ७ सय रुपैयाँमा कारोबार भएको थियो ।
आज चाँदीको भाउ भने सामान्य बढेको छ । आज चाँदी प्रतितोला १० रुपैयाँले बढेर १ हजार ८९० रुपैयाँमा कारोबार भइरहेको महासंघले जनाएको छ । हिजो चाँदी १ हजार ८८० रुपैयाँमा कारोबार भइरहेको थियो ।
प्रतिक्रिया दिनुहोस्