काठमाडौं । धितोपत्र दलालहरुको संस्था स्टक ब्रोकर्स एशोशिएसन अफ नेपालको अध्यक्षमा सागर ढकाले विजयी भएका छन् । ब्रोकर नम्बर ६३ (हिमालयन ब्रोक्रेज) का सञ्चालक ढकाल ४५ मत ल्याएर विजयी भएका हुन् ।
उनका निकटतम प्रतिस्पर्धी राजकुमार तिमल्सिनाले ४३ मत पाएका छन् । ढकाल २ मतले विजयी भएका छन् । ढकालले प्यानल नै बनाएर उम्मेदवारी घोषणा गरेको थिए ।
उपाध्यक्षमा नितेशकुमार अग्रवाल, महासचिवमा भक्तिराम घिमिरे, कोषाध्यक्षमा मदन पौडेल र सचिवमा विनय रेग्मी चयन भएका छन्।
यसैगरी कार्यसमितिको सदस्यमा विशालकुमार अग्रवाल, जेलिना कँडेल, जयन्त श्रीवास्तव र प्रियन्सु अग्रवाल निर्वाचित भएका छन्।
प्रतिक्रिया दिनुहोस्