काठमाडौं । सार्वजनिक ऋण व्यवस्थापन कार्यालयले आज सोमबार मंसिर २४ गते साढे १८ अर्ब रुपैयाँ बराबरको ट्रेजरी बिल बोलकबोल गर्ने भएको छ । नेपाल सरकारको राष्ट्र ऋण बोलकबोल तालिका अनुसार आज उक्त ट्रेजरी बिल बोलकबोल हुन लागेको हो ।

सार्वजनिक ऋण व्यवस्थापन कार्यालयका अनुसार ९१ दिनको लागि ८ अर्ब ५० करोड रुपैयाँ बराबरको ट्रेजरी बिल नवीकरणको लागि बोलकबोल गर्न लागेको हो । यो ट्रेजरी बिल फागुन २७ गते परिपक्व हुनेछ। त्यस्तै, १८२ दिनको लागि ८ अर्ब रुपैयाँ बराबरका ट्रेजरी बिल नवीकरणका लागि बोलकबोल हुन लागेको हो । उक्त ट्रेजरी बिल २०८२ जेठ २७ गते परिपक्व हुनेछ । साथै, १ वर्ष अवधिका लागि २ अर्ब रुपैयाँ बराबरको ट्रेजरी बिल नवीकरण गर्न लागेको हो । उक्त ट्रेजरी बिल २०८२ मंसिर २३ गते परिपक्व हुनेछ ।

बोलकबोलमा सोमबार बिहान १० बजेदेखि दिउँसो २ बजेसम्म अनलाइन माध्यमबाट सहभागी हुन सकिनेछ। सोमबार बोलकबोल हुने ट्रेजरी बिल मंगलबार निष्कासन हुने कार्यालयले जनाएको छ ।