काठमाडौं । नेपाल उद्योग वाणिज्य महासंघमा २०८५ सालदेखि अध्यक्षको निर्वाचन प्रत्यक्ष हुने भएको छ ।

महासंघको विशेष साधारणसभाले अध्यक्षको निर्वाचन पुरानो तरिकाबाट गर्ने व्यवस्थालाई अनुमति दिएको हो । महासंघको कार्यकारिणी बैठकले २०८८ सालदेखि अध्यक्षको निर्वाचन प्रत्यक्ष गर्ने प्रस्ताव गरेपनि विशेष साधारणसभाले अहिलेका बरिष्ठ उपाध्यक्ष अञ्जन श्रेष्ठको कार्यकाल सकिएपछि अध्यक्षको निर्वाचन प्रत्यक्ष गर्ने प्रस्ताव पास गरेको हो ।

जिल्ला नगर क्षेत्रका अधिकांश अध्यक्ष अञ्जन श्रेष्ठको कार्यकाल सकिएपछि अध्यक्षको निर्वाचन प्रत्यक्ष गर्ने पक्षमा उभिएका थिए । सो अनुसार महासंघको विशेष साधारणसभाले विधान संसोधन गरेको हो ।

महासंघको विशेष साधारणसभाले अध्यक्षको निर्वाचन प्रत्यक्ष गर्ने र महलिा उपाध्यक्ष तथा जिल्ला नगरमा २ जना उपाध्यक्ष राख्ने निर्णय गरको छ । महिला उपाध्यक्षको लागि भने कार्यकारिणी समितिमा १२ जना सदस्य भएपछि मात्र हुने व्यवस्था गरिएको छ ।

अध्यक्षको निर्वाचन प्रत्यक्ष हुने तथा बरिष्ठ उपाध्यक्षको चयन वरिष्ठ उपाध्यक्ष चयन कार्यकारिणी समितिले गर्ने उल्लेख छ ।

महासंघको अहिलेको विधान अनुसार २०८२ साल चैतदेखि अञ्जन श्रेष्ठ अध्यक्ष हुनेछन् । उनी २०८५ साल चैतसम्म अध्यक्ष हुन्छन् । मन्त्रिपरिषदले विधान संसोधन गरेपछि २०८५ सालको चैतमा हुने महासंघको निर्वाचन अध्यक्षको प्रत्यक्ष हुने छ । महासंघका अहिलेका उपाध्यक्ष हेमराज ढकाल,ज्योत्स्ना श्रेष्ठ २०८८ सालदेखि अध्यक्षको निर्वाचन प्रत्यक्ष गर्ने पक्षमा थिए ।