एजेन्सी । अस्ट्रेलियाले सोसल मिडिया कम्पनीहरुलाई त्यहाँका मिडियामा प्रकाशित समाचार प्रयोग गरे वापत पैसा तिर्न भनेको छ । अर्थात् त्यहाँको सरकारले सञ्चारमाध्यमलाई आर्थिक प्रोत्साहन सिर्जना गर्ने उद्देश्यले गुगल, फेसबुक जस्ता कम्पनीलाई पैसा तिर्न भनेको हो ।
न्यूज बार्गेनिङ इनिसिएटिभ भनिने यस प्रयासले मेटा प्लेटफर्म र गुगलजस्ता विश्वव्यापी प्राविधिक कम्पनी समाचार प्रकाशन गरेवापत प्रकाशकलाई रकम दिनुपर्नेछ ।
यो शुल्कको दायरामा पर्ने प्लेटफर्महरू अस्ट्रेलियामा २५ करोड अष्ट्रेलियन डलरभन्दा बढी आम्दानी भएका ठूला सामाजिक सञ्जाल प्लेटफर्म र सर्च इन्जिन हुनेछन् । अस्ट्रेलियाले सन् २०२१ मा अमेरिकी प्राविधिक कम्पनीहरू, जस्तै अल्फाबेटको गुगल र मेटालाई, समाचारका लिङ्कले पाठकहरूलाई उनीहरूको प्लेटफर्ममा ल्याउने र विज्ञापन आम्दानीमा योगदान गर्ने भएकाले मिडिया कम्पनीहरूलाई क्षतिपूर्ति दिन कानुन पास गरेको थियो ।
“हामी सरकारसँग सहमत छौँ कि हालको कानुन त्रुटिपूर्ण छ, र एउटा उद्योगलाई अर्को उद्योगलाई सब्सिडी दिन शुल्क लगाउने विषयमा हाम्रो चिन्ता कायमै छ,” उक्त घोषणा पछि मेटाका प्रवक्ताले भने ।
मेटाले न्यूज कर्प र राष्ट्रिय प्रसारणकर्ता अस्ट्रेलियन ब्रड्कास्टिङ कर्प सहितका केही अस्ट्रेलियाली मिडिया कम्पनीहरूसँग सम्झौता गरेको थियो, तर सन् २०२४ पछि ती सम्झौता नवीकरण नगर्ने बताइसकेको छ ।
प्रतिक्रिया दिनुहोस्