काठमाडौं । सिवाईसी नेपाल लघुवित्त वित्तीय संस्था लिमिटेडले स्थगित साधारणसभाको मिति घोषणा गरेको छ । कम्पनीले स्थगित भएको साधारणसभा पुनः माघ १२ गते शनिबारका लागि बोलाएको हो ।

कम्पनीको छैठौं साधारणसभा यसअघि पुस २९ गते सोमबार बोलाइएको थियो । सभा गणपुरक संख्या नपुगेर चल्न नसकेपछि स्थगित गरिएको थियो । कम्पनीले पहिले नै समावेश गरिएका प्रस्तावहरू यथावत् राखी सभा बोलाएको छ । कम्पनीले शेयरधनीलाई लाभांश नदिने निर्णय यसअघि नै गरिसकेको छ ।

सभाले गत आवको वित्तीय विवरणहरू पारित गर्नुका साथै चालू आवको लागि लेखापरीक्षक नियुक्ति गरी पारिश्रमिक निर्धारण गर्नेछ । त्यस्तै अन्य लघुवित्तसँग मर्जरका लागि आवश्यक कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव रहेको छ ।

सभा प्रयोजनका लागि कम्पनीले पुस १८ गते बुक क्लोज गरिसकेकाले पुस १७ गतेसम्म कायम सेयरधनी सभामा भाग लिन सक्नेछन्।