काठमाडौं । बुधबार सेयर बजारमा १२२ कम्पनीको सेयर मूल्य घटेर कारोबार बन्द भयो । सेयर बजार परिसूचक पनि घटेको दिन दुई कम्पनीको सेयर मूल्यमा भने नकारात्मक सर्किट नै लागेर कारोबार बन्द भएको छ ।

आज सेयर बजारमा सामुदायिक लघुवित्त र कर्पोरेट डेभलपमेन्ट बैकको सेयर मूल्यमा नकारात्मक सर्किट लागेको हो । यी दुई कम्पनीको सेयर मूल्य १० प्रतिशतले घटेको हो । आजको कारोबार बन्द हुँदा सामुदायिक लघुवित्तको सेयर मूल्य २९६ रुपैयाँले घटेर २ हजार ६६४ रुपैयाँ पुगेको छ । त्यस्तै आज कर्पोरेट डेभलपमेन्ट बैंकको सेयर मूल्य २४७ रुपैयाँ ४० पैसोले घटेर २ हजार २२६ रुपैयाँ ७० पैसा पुगेको छ ।
त्यस्तै आज धेरै घट्न पाँच कम्पनीमा मध्यभोटेकोशी जलविद्युत कम्पनी, न्यादि हाइड्रोपावर र ग्रिन डेभलपमेन्ट बैंक रहेका छन् । आज मध्यभोटेकोशीको सेयर मूल्य २२ रुपैयाँ ४० पैसाले घटेर ३७७ रुपैयाँ ६० पैसा पुगेको छ । यो अघिल्लो दिनको भन्दा ५.६० प्रतिशतले कम हो ।
त्यस्तै न्यादी हाइड्रोपावरको सेयर मूल्य पनि आज ४६ रुपैयाँले घटेर ७८१ रुपैयाँ पुगेको छ । यो अघिल्लो दिनको भन्दा ५.५६ प्रतिशतले कम हो । आजको कारोबार बन्द हुँदा ग्रिन डेभलपमेन्ट बैंकको सेयर मूल्य ७८ रुपैयाँ २० पैसाले घटेर १ हजार ५४३ रुपैयाँ पुगेको छ । यो अघिल्लो दिनको भन्दा ४.८२ प्रतिशतले कम हो ।