काठमाडौं । नेपाल राष्ट्र बैंकले आइतबार (आज) फेरि बजारबाट ४० अर्ब रुपैयाँ उठाउने भएको छ । बजारमा अधिक तरलता बढेसँगै केन्द्रीय बैंकले लगातार रूपमा रकम उठाउँदै आइरहेको छ । सोहीअनुसार राष्ट्र बैंकले २१ दिनका लागि ४० अर्ब रुपैयाँ उठाउन लागेको हो ।
उक्त रकमको साँवा तथा ब्याज बैंकहरुले फागुन २५ गते फिर्ता पाउनेछन् । क, ख र ग वर्गका बैंक तथा वित्तीय संस्थाहरुले घटीमा १० करोड र बढीमा ५ करोडले भाग गर्दा निःशेष आउने अंक बराबरको निक्षेप राष्ट्र बैंकमा राख्न सक्ने केन्द्रीय बैंकले जनाएको छ ।
बैंकहरुले त्यसरी राखेको निक्षेपको ब्याजदर भने बोल कबोलका माध्यमबाट निर्धारण हुनेछ । अर्थात् सबै भन्दा थोरै ब्याजदर कबोल गर्ने बैंक तथा वित्तीय संस्थाको निक्षेप राष्ट्र बैंकले स्वीकार गर्ने राष्ट्र बैंकले जनाएको छ ।
प्रतिक्रिया दिनुहोस्