काठमाडौं । नेपाली बजारमा शुक्रबार सुनको मूल्य घटेको छ । अघिल्लो दिन बढेको सुनको मूल्य आज तोलामा १ हजार रुपैयाँले घटेर १ लाख ७० हजार रुपैयाँमा कारोबार भइरहेको हो ।
नेपाल सुनचाँदी व्यवसायी महासंघका अनुसार अघिल्लो दिन सुनको मूल्य तोलामा १ लाख ७१ हजार रुपैयाँमा कारोबार भएको थियो । १ लाख ७१ हजार रुपैयाँ नेपाली बजारमा हालसम्मकै उच्च मूल्य हो ।
महासंघका अनुसार आज चाँदीको मूल्य पनि तोलामा ५ रुपैयाँले घटेको छ । आज चाँदी तोलामा १ हजार ९ सय ९० रुपैयाँमा कारोबार भइरहेको छ । अघिल्लो दिन चाँदी तोलाको १ हजार ९ सय ९५ रुपैयाँमा खरिद बिक्री भएको थियो ।
प्रतिक्रिया दिनुहोस्