काठमाडौं । महिला लघुवित्त वित्तीय संस्था लिमिटेडले साधारणसभाको मिति घोषणा गरेको छ । कम्पनीको फागुन ५ गते बसेको सञ्चालक समितिको बैठकले आउदो चैत ७ गते विहीबार ७ औँ वार्षिक साधारणसभा बोलाएको हो ।
सभा शंखमूलस्थित अनमोल क्याटरिङ् सर्भिस प्रा. लि. मा बिहान ११ बजे देखि सुरु हुने छ । सभामा लाभांश सम्बन्धी कुनै प्रस्ताव समावेश नगरेको यस कम्पनीले अन्य लघुवित्तसँग मर्जरका लागि आवश्यक सम्पूर्ण कार्य गर्न सञ्चालक समितिलाई अख्तियारी दिने विशेष प्रस्ताव राखेको छ ।
त्यस्तै गत आर्थिक वर्ष (आव) को वित्तीय विवरणहरू पारित गरी चालू आवको लागि लेखापरीक्षक नियुक्ति र पारिश्रमिक निर्धारण गर्ने र नियमावलीको नियम ३२ (ग) संशोधन गर्ने प्रस्ताव सभाका लागि तय गरिएको छ । साधारणसभा प्रयोजनार्थ कम्पनीले फागुन २५ गते १ दिन बुक क्लोज गर्ने जनाएको छ ।
प्रतिक्रिया दिनुहोस्