काठमाडौं । नेपाल बीमा प्राधिकरणको अध्यक्षका लागि सर्टलिस्टमा परेका पाँच उम्मेदवारले आफ्नो कार्ययोजना प्रस्तुत गरेका छन् । प्राधिकरणको अध्यक्ष नियुक्तिका लागि गठित सिफारिस समिति समक्ष अध्यक्षको लागि सर्टलिस्टमा परेका पाँच जनाले आज आफ्नो कार्ययोजना र अन्तर्वाता प्रस्तुत गरेका हुन् ।

प्राधिकरणको अध्यक्षका लागि कमल प्रसाद रेग्मी, चिरञ्जीवी चापागाईं, दामोदर बसौला, रामशरण पुडासैनी र शरद ओझाको नाम सर्टलिष्टमा परेका थिए । उनीहरुले आज प्राधिकरणको नेतृत्वमा पुग्दा गर्ने कार्यहरुको योजना सहित समिति समक्ष आफ्नो प्रस्तुतिकरण दिएका हुन् ।

सर्टलिष्टमा परेका रेग्मी बीमा प्राधिकरणकै कार्यकारी निर्देशक हुन् भने चापागाईं प्राधिकरण (तत्कालिन बीमा समिति) का पूर्वअध्यक्ष हुन् । त्यस्तै, बसौला स्वास्थ्य बीमा बोर्डका पूर्वकार्यकारी निर्देशक, पुडासैनी पूर्वराजस्व सचिव तथा हाल कृषि विकास बैंकका अध्यक्ष हुने भने ओझा पत्रकार हुन् ।

अब प्रस्तुतिकरण दिएका पाँच जनामध्ये समितिले ३ जनाको नाम नेपाल सरकार समक्ष सिफारिस गर्ने छ । जसमध्ये एक जनालाई मन्त्रिपरिषद्ले बीमा प्राधिकरणको अध्यक्षमा नियुक्त गर्नेछ ।