काठमाडौं । नेपाली बजारमा आइतबार सुनको मूल्य सामान्य बढेको छ । गत शुक्रबार घटेको सुनको मूल्य आज तोलामा ३०० रुपैयाँले बढेको हो ।
नेपाल सुनचाँदी व्यवसायी महासंघका अनुसार आज सुन तोलामा १ लाख ७० हजार ३०० रुपैयाँमा कारोबार भइरहेको छ । गत शुक्रबार सुनको मूल्य तोलामा १ लाख ७० हजार रुपैयाँमा किनबेच भएको थियो ।
महासंघका अनुसार आज चाँदीको मूल्य पनि तोलामा २० रुपैयाँले घटेको छ । आज चाँदी तोलामा १ हजार ९ सय ७० रुपैयाँमा कारोबार भइरहेको छ । गत शुक्रबार चाँदी तोलामा १ हजार ९ सय ९० रुपैयाँमा कारोबार भएको थियो ।
प्रतिक्रिया दिनुहोस्