काठमाडौं । विश्व प्रसिद्ध आइसक्रिम ब्रान्ड बास्किन रोबिन्सले नेपालमा आफ्नो ३४औं शाखाको उद्घाटन गरेको छ । कम्पनीले काठमाडौंको ऐतिहासिक स्थान वसन्तपुरमा औपचारिक रूपमा आफ्नो नयाँ शाखा सञ्चालनमा ल्याएको हो ।

नेपालमा बास्किन रोबिन्सको आधिकारिक आयातकर्ता तथा वितरक सन इन्टरनेसनल इन्कर्पोरेटेडको यो शाखा प्रतिष्ठित पद्म ज्योति ग्रुप नेपालको एक हिस्सा हो ।

यो नयाँ शाखाले उत्कृष्ट आइसक्रिमको अनुभवसँगै खुसी बाँड्ने यात्रामा अर्को महत्त्वपूर्ण कदम चालेको कम्पनीको भनाइ छ ।

वसन्तपुर शाखाले बास्किन रोबिन्सका प्रसिद्ध ३१ फ्लेबर र प्रिमियम आइसक्रिम केकहरू नेपालकै ऐतिहासिक र जीवन्त स्थानमध्ये एकमा ल्याएको छ ।

उद्घाटन समारोहमा नेपालको समृद्ध नेवारी संस्कृतिलाई सुन्दर सांगीतिक प्रस्तुतिसँग जोडी परम्परा र बास्किन रोबिन्सको आधुनिकतालाई एकसाथ प्रस्तुत गरिएको थियो ।

उद्घाटन कार्यक्रममा नेपालको लागि अमेरिकी राजदूत डीन आर थम्पसन लगायतको उपस्थिति थियो ।