काठमाडौं । नेपाल बीमा प्राधिकरणको अध्यक्ष छनौट समितिले नेपाल सरकारलाई ३ जनाको नाम सिफारिस गरेको छ । राष्ट्रिय योजना आयोगका उपाध्यक्ष प्रा.डा. शिवराज अधिकारीको नेतृत्वमा गठन भएको सिफारिस समितिले शरद ओझा, रामशरण पुडासैनी र डा. दामोदर बसौलाको नाम सिफारिस गरेको हो ।
सिफारिस समितिले कार्ययोजनाको प्रस्तुतीकरण तथा अन्तर्वार्तापछि सर्टलिस्टमा परेका ५ जनामध्ये ३ जनाको नाम सिफारिस गरेको हो । अब मन्त्रिपरिषद्ले तीन जनामध्ये एक जनालाई प्राधिरणको अध्यक्ष नियुक्त गर्नेछ ।
सम्भवतः आज नै प्राधिकरणको अध्यक्ष नियुक्त हुने सम्भावना पनि रहेको छ । आज मन्त्रिपरिषदको बैठक बस्दैछ । साँझ ५ बजेका लागि प्रधानमन्त्री निवास बालुवाटारमा मन्त्रिपरिषद्को बैठक बोलाइएको छ ।
प्रतिक्रिया दिनुहोस्