एजेन्सी । कुनै समय इन्टरनेटमा आधारित फोन र भिडियो सेवाका लागि चर्चित सेवा स्काइप बन्द हुने भएको छ । सन् २००० को मध्यदेखि सञ्चालनमा आएको स्काइपको सेवा अब भने बन्द गर्न लागिएको माइक्रोसफ्टले जनाएको छ ।
“स्काइप अब उपलब्ध हुने छैन”, कम्पनीले सामाजिक सञ्जाल एक्समा पुष्टि गर्र्दै भनेको छ । माइक्रोसफ्टवे १४ वर्ष अघि स्काइपलाई ८.५ अर्ब अमेरिकी डलरमा खरिद गरेको थियो । तत्कालीन समयमा यसलाई सबैभन्दा धेरै राशिको प्राप्ति भनिएको थियो । माइक्रोसफ्टले यो सेवालाई विन्डो फोनमा पनि समावेश गरेको थियो ।
“स्काइप आधुनिक सञ्चारलाई आकार दिन र धेरै अर्थपूर्ण विषयलाई समर्थनको दृष्टिले अभिन्न हिस्सा रहिआएको छ, र हामी यस यात्राको हिस्सा हुन पाएकोमा सम्मानित महसुस गर्छौं”, माइक्रोसफ्ट ३६५ को सहयोगी एप्स र प्लेटफर्मका अध्यक्ष जेफ टेपरले ब्लग पोस्टमा भनेका छन् । “हामी टिमले ल्याउने नयाँ अवसरहरूका बारेमा उत्साहित छौं र तपाईंलाई नयाँ र अर्थपूर्ण तरिकामा जोडिन मद्दत गर्न प्रतिबद्ध छौं ।”
हालका वर्षहरूमा, अन्य प्रतिस्पर्धी उत्पादनहरू जस्तै जुम, गुगल मिट, र सिस्को वेबेक्सलाई महामारीको समयमा उछाल आए पनि, स्काइपको लोकप्रियता घट्दै गएको छ । पछिल्लो डेढ दशकमा, एप्पलको फेसटाइम र मेटाको ह्वाट्सएप जस्ता एपहरूबाट स्काइपले बढ्दो प्रतिस्पर्धा सामना गरिरहेको छ । साथै, माइक्रोसफ्टले टिम्समा ठूलो लगानी गरिरहेको छ, जसले स्काइप जस्तै धेरै सेवाहरू प्रदान गर्दछ ।
स्काइप सन् २००३ मा एस्टोनियामा सुरू गरिएको थियो र अन्तर्राष्ट्रिय कलहरू महँगो हुने परम्परागत फोन सेवाहरूको तुलनामा निःशुल्क कल गर्ने माध्यमको रूपमा छिट्टै लोकप्रिय बन्यो । सेवा लोकप्रिय भएसँगै, इबेले सन् २००५ मा यसलाई २.६ अर्ब डलरमा किनेको थियो । यद्यपि, उक्त साझेदारी सफल हुन सकेन, जसका कारण इबेले २००९ मा १.९ अर्ब डलरमा आफ्नो ६५ प्रतिशत हिस्सेदारी लगानीकर्ताहरूको समूहलाई बेचेको थियो । अन्ततः, माइक्रोसफ्टले २०११ मा स्काइप खरिद ग¥यो ।
प्रतिक्रिया दिनुहोस्