काठमाडौं । स्वरोजगार लघुवित्त वित्तीय संस्था लिमिटेडले सेयरधनीहरूलाई वितरण गर्ने लाभांश घोषणा गरेको छ । कम्पनीको फागुन २१ गते बसेको सञ्चालक समितिको बैठकले आफ्ना सेयरधनीहरुलाई चुक्ता पुँजीको १४.६२५०७ प्रतिशत लाभांश वितरण गर्ने निर्णय गरेको हो ।
जसमध्ये १३.८९३८२ प्रतिशत बोनस सेयर र ०.७३१२५ प्रतिशत नगद लाभांश (कर तिर्न) रहेको छ । साथै हाल यस कम्पनीले एफपीओ निष्कासन गरेको हुँदा बुक क्लोज अगावै एफपीओ बाँडफाँड भई नेप्सेमा सूचीकृत भएमा एफपीओ पर्नेले समेत लाभांश प्राप्त गर्नेछन् ।
त्यस्तो भएमा एफपीओ सेयर सहित हुन आउने चुक्ता पुँजीको प्रस्तावित बोनस सेयर बापतको रकम १३.५० प्रतिशत र नगद लाभांश बापतको रकम ०.७१०५३ प्रतिशत गरी कुल लाभांश १४.२१०५३ प्रतिशत हुने कम्पनीले जनाएको छ ।
प्रतिक्रिया दिनुहोस्