काठमाडौं । एनआईसी एसिया बैंकको कोष प्रबर्द्धक तथा एनआईसी एसिया क्यापिटल लिमिटेड योजना व्यवस्थापक तथा डिपोजिटरी रहि एनआईसी एसिया बैंक म्युचुअल फन्डअन्तर्गत सञ्चालित प्रतिएकाइको फागनु २८ गते परिपक्व हुने भएको छ । अंकित मूल्य १० रुपैयाँ दरका ८ करोड ३५ लाख २० हजार इकाइ रहेको ‘एन आई सी एशिया ग्रोथ फन्ड’ नामक ७ वर्षे बन्दमुखी योजना यही फागुन २८ गते परिपक्व हुने भएको हो ।

एनआईसी एसिया क्यापिटलले सूचना जारी गरेर उक्त योजना परिपक्व हुने जानाकारी गराएको हो । उक्त योजनाको इकाइको कारोबार नेपाल स्टक एक्सचेञ्ज लिमिटेडमा फागनु २५ गतेसम्म मात्रै हुने पनि जनाएको छ ।

२६ फागुनदेखि इकाइको खरिद÷बिक्री बन्द हुने एनआईसी एसिया क्यापिटलले जनाएको छ । फागुन २५ गतेसम्म इकाइको कारोबार भई राफसाफपश्चात् कायम भएका इकाइधनीहरु मात्र योजना खारेजीपश्चात्को प्रतिफलको लागि योग्य हुने जनाइएको छ ।

एनआईसी एसिया ग्रोथ फण्डले विभिन्न आर्थिक वर्षहरुमा देहाय बमोजिमको नगद प्रतिफल वितरण गरेको र उक्त वितरण गरेको प्रतिफल रकम सम्बन्धित इकाइधनीको हितग्राही खातामा उल्लेखित/अद्यावधिक भएको बैंक खातामा जम्मा गरिसकेको क्यापिटलले जनाएको छ ।

हालसम्म पनि विभिन्न आर्थिक वर्षमा वितरण गरिएको नगद प्रतिफल रकम प्राप्त गर्न बाँकी इकाईधनीहरुको विवरण तथा विविध कारणले गर्दा फिर्ता आएको इकाइइधनीहरुको विवरणसहित यस एनआईसी एसिया क्यापिटल लिमिटेडको वेबसाइटमा राखिएको हुँदा उक्त प्रतिफल रकम प्राप्त भए नभएको यकिन गर्नुहुन विनम्र अनुरोध गर्दछौं ।

एनआईसी एसिया ग्रोथ फण्डले हालसम्म वितरण गरेको प्रतिफलसम्बन्धी विवरणः

उक्त योजनाको इकाइ हालसम्म पनि अभौतिकीकरण गर्न बाँकी भएमा यथाशीघ्र अभौतिकीकरण गर्नुहुन र नगद प्रतिफल प्राप्त लिन बाँकी रहेको देखिएमा आफ्नो इकाइ रहेको हितग्राही खातामा बैंक तथा वित्तीय संस्थाको खाता नम्बर यथाशीघ्र अद्यावधिक गर्नुहुन अनुरोध गर्दछौं ।

साथै सम्बन्धित इकाइधनीले आफ्नो हितग्राही खातामा बैंक तथा वित्तीय संस्थाको खाता अद्यावधिक गरेपश्चात् यस क्यापिटलले बाँकी रहेको नगद प्रतिफल रकम सोझै जम्मा गरिदिने व्यवस्था मिलाइएको व्यहोरासमेत सम्बन्धित सबैमा जानकारी गराइन्छ ।