काठमाडौं । महुली लघुवित्त वित्तीय संस्था लिमिटेडको साधारणसभा आज सम्पन्न हुँदैछ । कम्पनीको १२ औँ वार्षिक साधारणसभा आज (फागुन २३ गते) सम्पन्न हुने भएको हो ।
सभा सप्तरीस्थित कम्पनीको केन्द्रीय कार्यालयमा बिहान ११ बजेदेखि शुरू हुनेछ । कम्पनीले सभाका लागि लाभांश सम्बन्धी कुनै प्रस्ताव समावेश गरेको छैन । सभाले गत आर्थिक वर्षको वित्तीय विवरणहरू पारित गरी चालु आवका लागि लेखापरीक्षक नियुक्ति र पारिश्रमिक निर्धारण गर्ने र ४ जना संस्थापक र २ जना सर्वसाधारण शेयरधनीको निर्वाचन गर्नेछ ।
त्यसैगरी एफपीओ निष्कासनबाट प्राप्त रकमलाई चुक्ता पुँजीमा वृद्धि गर्ने, कम्पनीको संस्थापक सेयरलाई सर्वसाधारण सेयर समूहमा परिवर्तन गर्ने र मर्जरका लागि उपयुक्त वित्तीय संस्था पहिचान गरी सम्पूर्ण कार्य गर्न सञ्चालक समितिलाई अख्तियारी दिनेछ ।
प्रतिक्रिया दिनुहोस्