काठमाडौं । सार्वजनिक ऋण व्यवस्थापन कार्यालयले आइतबार साढे १८ अर्ब रुपैयाँ बराबरको ट्रेजरी बिल नविकरण गर्ने भएको छ । कार्यालयले १८ अर्ब ५० करोडको ट्रेजरी बिल नविकरण गर्ने भएको हो ।
आन्तरिक ऋण उठाउने उद्देश्यले जारी गरेको उक्त रकम बराबरको ट्रेजरी बिलमा नेपाल राष्ट्र बैंकबाट इजाजत प्राप्त क, ख र ग वर्गका बैंक तथा वित्तीय संस्थाहरुले सहभागी हुन सक्ने छन् । कर्जा लगानी गर्न नसक्दा आन्तरिक ऋण उठाउने प्रयोजनका लागि सरकारले जारी गरेको ट्रेजरी बिलमा बैंक तथा वित्तीय संस्थाहरुले प्रतिस्पर्धा गर्न लागेको हुन् ।
कार्यालयका अनुसार २८ दिनका लागि ५ अर्ब, ९१ दिनका लागि ८ अर्ब ५० करोड बराबरको र ३६४ दिनका लागि ५ अर्ब बराबरको ट्रेजरी बिल बोलकबोल गर्न लागिएको हो । यो ट्रेजरी बिल क्रमशः २०८१ चैत २६ गते , २०८२ जेठ २७ गते र २०८२ फागुन २६ गते भित्र परिपक्व हुनेछ । २८ दिन, ९१ दिन र ३६४ दिन अवधि रहने ट्रेजरी बिलको लागि सोमबार १० बजे देखि ३ बजेसम्म आवेदन दिन सकिने छ ।
प्रतिक्रिया दिनुहोस्