एजेन्सी । वोल्क्सवागनको अडी लक्जरी ब्राण्डले आगामी केही वर्षहरूमा हजारौं रोजगारी घटाउने घोषणा गरेको छ, यो जर्मनीको अटो क्षेत्रको समस्याको अर्को संकेत भएको मानिएको छ ।

अटोमेकरले सोमबार एक विज्ञप्ति जारी गरी सन् २०२९ सम्म जर्मनीका आफ्ना स्थलहरूमा सात हजार ५०० वटा रोजगारी घटाउने बताएको छ । जुन लागत घटाउने र अडीलाई विद्युत् गाडी उत्पादनमा परिवर्तन गर्न मद्दत गर्ने उसको भनाइ छ । उक्त योजनाले यसलाई मध्यकालीन अवधिमा एक अर्ब यूरो बचत गर्न मद्दत पुर्याउने अपेक्षा गरिएको छ । आगामी पाँच वर्षमा जर्मनीका कारखानाहरूमा विद्युत् गाडीहरूको उत्पादनमा मद्दत गर्न आठ अर्ब यूरो लगानी गर्ने समेत उसले बताएको छ ।

“आर्थिक परिस्थितिहरू बढ्दै जाँदा अवस्था कठिन भएको छ, प्रतिस्पर्धात्मक दबाब र राजनीतिक अनिश्चितताहरू कम्पनीलाई ठूलो चुनौती प्रस्तुत गर्दैछन्”, कम्पनीले भनेको छ । वोल्क्सवागनद्वारा यस दशकको अन्त्यसम्म जर्मनीमा पहिले नै योजनाबद्ध ३५ हजारभन्दा बढी रोजगारी कटौतीमा थपिएका छन् ।

अमेरिकी राष्ट्रपति डोनाल्ड ट्रम्पले अप्रिल २ बाट अमेरिकी बजारमा आयात गरिएका कारहरूमा २५ प्रतिशत ट्यारीफ लगाउने धम्की दिएका छन् । जसले जर्मनीको अटो उद्योगलाई अर्को सम्भावित धक्का पुर्याउन सक्छ । यदि आयात शुल्क लागू भयो भने, जर्मन कारहरू अमेरिकी उपभोक्ताहरूको लागि महँगो हुन सक्छ र त्यसैले अमेरिकी उत्पादन गरिएको समान कारहरूको तुलनामा कम आकर्षक हुने सम्भावना छ ।