काठमाडौं । निर्जीवन बीमा कम्पनीहरुले चालु आर्थिक वर्षको फागुन महिनामा मात्रै पौने ४ अर्बको बीमा शुल्क संकलन गरेका छन् । नेपाल बीमा प्राधिकरणले सार्वजनिक गरेको तथ्यांकअनुसार फागुन महिनामा १४ निर्जीवन बीमा कम्पनीहरुले ३ अर्ब ७५ करोड ४७ लाख रुपैयाँ बीमा शुल्क आर्जन गरेका हुन् ।

फागुन महिनामा १४ निर्जीवन बीमा कम्पनीले कुल २ लाख २१ हजार ७७६ वटा बीमालेखमार्फत उक्त रकम बराबरको बीमा व्यवसाय गर्न सफल भएका हुन् । चालु आर्थिक वर्षको फागुन महिनासम्मको अवधिमा भने निर्जीवन बीमा कम्पनीले कुल २८ अर्बभन्दा बढीको बीमा व्यवसाय गरेका छन् ।

फागुन महिनामा सबैभन्दा धेरै बीमा शुल्क संकलन गर्ने निर्जीवन बीमा कम्पनीमा शिखर इन्स्योरेन्स रहेको छ । यो कम्पनीले फागनु महिनामा मात्रै ८८ करोड १८ लाख रुपैयाँ बीमा शुल्क संकलन गरेको छ ।

फागुन महिनामा यो कम्पनीले कुल २३ हजार ४१२ बीमालेखमार्फत उक्त रकमको व्यवसाय गरेको हो । फागुन महिनामा धेरै बीमा शुल्क संकलन गर्नेमा दोस्रो स्थानमा सगरमाथा लुम्बिनी इन्स्योरेन्स (सलिको) रहेको छ । यो कम्पनीले २२ हजार १२४ बीमालेखमार्फत ३८ करोड ६८ लाख रुपैयाँ बीमा शुल्क संकलन गरेको छ

त्यस्तै धेरै बीमा शुल्क संकलन गर्नेको तेस्रो नम्बरमा रहेको आइजीआई प्रुडेन्सियल इन्स्योरेन्सले फागुन महिनामा १७ हजार ६९१ बीमालेखबाट ३४ करोड ९१ लाख रुपैयाँ बीमा शुल्क संकलन गरेको छ । फागुन महिनामा नेपाल इन्स्योरेन्स कम्पनीले १४ करोड २८ लाख रुपैयाँको बीमा व्यवसाय गर्न सफल भएको छ । यो कम्पनीले फागुन महिनामा १४ हजार ४५६ बीमालेख मार्फत उक्त बीमा शुल्क संकलन गरेको हो ।

त्यस्तै फागुन महिनामा दि ओरियन्टल इन्स्योरेन्सले ३ हजार ५८९ बीमालेखबाट १७ करोड ८३ लाख रुपैयाँ, सरकारी स्वामित्वको राष्ट्रिय बीमा कम्पनीले ४२१२ बीमालेमार्फत १५ करोड ३३ लाख रुपैयाँ, नेशनल इन्स्योरेन्स कम्पनीले २ हजार ५५१ बीमालेखमार्फत ७ करोड १३ लाख रुपैयाँ र नेको इन्स्योरेन्सले २२ हजार ३२९ बीमालेखबाट २४ करोड ४६ लाख रुपैयाँको निर्जीवन बीमा व्यवसाय गर्न सफल भएका छन् ।

फागुन महिनामा प्रभु इन्स्योरेन्सले ९ हजार ३०१ बीमालेबाट १३ करोड ७ लाख रुपैयाँ, एनएलजी इन्स्योरेन्सले १४ हजार ७२८ बीमालेखबाट फागुन महिनामा २३ करोड ७५ लाख रुपैयाँ र हिमालयन एभरेष्ट इन्स्योरेन्सले २१ हजार ३५२ बीमालेखबाट २८ करोड ८७ लाख रुपैयाँ बीमा शुल्क आर्जन गरेका छन् ।

त्यस्तै, फागुन महिनामा सानिमा जिआईसी इन्स्योरेन्सले १० हजार ५६८ बीमालेमार्फत १८ करोड ५७ लाख रुपैयाँ, सिद्धार्थ प्रिमियर इन्स्योरेन्सले २३ हजार ८७२ बीमालेखमार्फत ३० करोड ६५ लाख रुपैयाँ र युनाइटेड अजोड इन्स्योरेन्सले ३१ हजार ५९१ बीमालेख बाट १९ कराड ७१ लाख रुपैयाँ बीमा शुल्क संकलन गरेका छन् ।