काठमाडौं । नेपालकै अग्रणी अनलाइन किनमेल प्लेटफर्म दराज नेपालले बहुप्रतिक्षित ४.४, नव वर्ष उत्सवको घोषणा गरेको छ । ७० प्रतिशतसम्म छुटसहितको आश्चर्यजनक फ्ल्याश सेल, १ करोड रुपैयाँबराबरको भौचर तथा निःशुल्क डेलिभरी सुविधा सहित, ४.४ सेल अप्रिल ४ (चैत २२, २०८१) बाट सुरु भई अप्रिल १३ (चैत ३१, २०८१) सम्म सञ्चालन हुने कम्पनीले जानकारी दिएको छ । सेलले नेपाली ग्राहकहरूलाई रोमाञ्चक किनमेलको नयाँ अनुभव प्रदान गर्ने कम्पनीको विश्वास छ ।

उत्सव अवधिभर, ग्राहकहरूले हरेक दिन फ्ल्यास सेलमार्फत विभिन्न क्याटेगरी तथा सेटाफिल, मसलब्लेज, एईवीबी, ह्रोटो, माइक्रोलाइफ, एक्स—एज, ब्ल्याकशार्कलगायत साझेदार ब्रान्डहरूमार्फत ७० प्रतिशतसम्मको छुटमा उत्पादनहरू किन्न पाउने छन् ।

सीमित अवधिका लागि मात्र उपलब्ध हुने यी अफरहरू हरेक दिन अपडेट गरिने भएकाले ग्राहकहरूलाई दराज एपको फ्ल्याश सेल सेक्सन विशेष रूपमा नियाल्दै मौकाको फाइदा उठाउन कम्पनीले अनुरोध गरेको छ ।

४.४ सेल अवधिभर डिजिटल पूर्वभुक्तानीमा दराजले उपभोक्ताहरुका लागि ७ सय ५० रुपैयाँसम्मको छुट सुविा उपलब्ध गराउने छ । यसका लागि दराजले नबिल बैंक, हिमालयन बैंक, स्ट्यान्डर्ड चार्टर्ड बैंक, सिटिजन्स बैंक, नेपाल बैंक, नेपाल एसबीआई बैंक, ज्योति विकास बैंक, महालक्ष्मी विकास बैंक, तथा गरिमा विकास बैंक गरी ९ वटा बैंकहरूसँग सहकार्य गरेको छ ।

किनमेलका लागि यी बैंकहरूको क्रेडिट कार्ड प्रयोग गर्ने ग्राहकहरूले अधिकतम १५ प्रतिशत (रु. ७५० सम्म) छुट पनि प्राप्त गर्न सकिनेछ । त्यसैगरी, डेबिट कार्ड प्रयोग गर्नुहुने ग्राहकहरूले १० प्रतिशत (रु. ५०० सम्म) छुट प्राप्त गर्न सक्नुहुनेछ । यसैगरी, ग्राहकहरूका लागि रु. ४४ हजार ४ सय४४ रुपैयाँ र ४ हजार ४ सय ४४ रुपैयाँको आकर्षक डिलहरू पनि उपलब्ध हुने दराजले विज्ञप्तिमार्फत जानकारी दिएको छ ।

साथै, ९९ रुपैयाँ, ३ सय ९९ रुपैयाँ, ९ सय ९९ सय रूपैयाँ र १ हजार ९ सय ९९ को छुट श्रेणीमा पनि विभिन्न उत्पादनहरू खरिद गर्न पाउने छन् । ४.४ नव वर्ष उत्सवको अवधि भर, कम्तीमा ५ हजार रुपैयाँ बराबरको किनमेल गर्ने एक भाग्यशाली ग्राहकले २९ हजार ९ सय ९९ बराबरको वानप्लस नर्ड सीईएस लाइट जित्ने अवसर पाउनुहुनेछ । त्यस्त गरी, चारजना भाग्यशाली ग्राहकहरूले १० हजार ३०० रुपैयाँ बराबरको यासुदा पर्सनल एयर कुलर जित्ने अवसर प्राप्त गर्ने कम्पनीले जानकारी दिएको छ ।

४.४ नव वर्ष उत्सवका अवसरमा ‘एड टु कार्ट एण्ड विन’ योजनाअन्तर्गत सेटाफिल, याजी, जीसीजी आइवेयर र उकुलेलेका ५ हजार रुपैयाँ बराबरका गिफ्ट ह्याम्परहरू तीनजना भाग्यशाली ग्राहकहरूले जित्नु हुनेछन् भने, एकजना ग्राहकले १२ हजार रुपैयाँबराबरको ग्लेन एयर फ्रायर प्राप्त गर्नेछ ।

यस योजनामा सहभागी हुनका लागि ग्राहकहरूले चैत १७ देखि चैत २१ (मार्च ३०– अप्रिल ३) भित्र १० हजार रुपैयाँ बराबरका सामानहरू कार्टमा राख्नुपर्नेछ । त्यस्तै, १ लाख रुपैयाँभन्दा बढीको किनमेल गर्ने ग्राहकहरूले  १० हजार रुपैयाँसम्मको विशेष छुट भौचर प्राप्त गर्न सकिने जनाएको छ । यो अवसर अप्रिल ४ को मध्यरातदेखि उपलब्ध हुने कम्पनीले जनाएको छ ।

दराज नेपालको ४.४ सेलबारे थप जानकारीका लागि www.daraz.com.np भ्रमण गर्नुहोस्, दराज नेपालको फेसबुक पेज हेर्नुहोस्, वा दराज एप ब्राउज गर्नुहोस्।