काठमाडौं । सरकारले नेपाल राष्ट्र बैंकको गभर्नरको लागि उमेरहद हटाएको छ । नेपाल राष्ट्र बैंक ऐनमा ६५ वर्षको उमेर तोकिएको थिएन ।
तर, अर्थमन्त्रालय सम्बन्ध सार्वजनिक निकाय तथा सदस्यको नियुक्ति तथा मनोनयसम्बन्धि मापदण्डमा ६५ वर्षको उमेर तोकिएको थियो । यसलाई फागुन २७ गते संसोधन गरिएको छ ।
सोअनुसार सरकारले आफूले खोजेको व्यक्तिलाई गभर्नर बन्न बाटो खुल्ला भएको छ ।
गभर्नरको लागि अहिलेका डेपुटी गभर्नर सहित राष्ट्र बैंकका सञ्चालक तथा पूर्वसचिव तथा कार्यकारी निर्देशकको नाम चर्चामा छ । चर्चामा रहेका नाममा रविन्द्र पाण्डे र राजेन्द्रकिशोर क्षेत्रीको उमेर ६५ कटेको छ ।
प्रतिक्रिया दिनुहोस्