एजेन्सी । अमेरिकी राष्ट्रपति डोनाल्ड ट्रम्प र अर्बपति एलन मस्कका विरोधीहरूले शनिबार अमेरिका भर प्रदर्शन गरेका छन् । सरकारको सानो आकार बनाउने प्रयास, आर्थिक नीति, मानव अधिकार र अन्य मुद्दाहरूमा प्रशासनका कदमहरूको विरोधमा उनीहरू सडकमा उत्रिएका थिए ।
प्रदर्शनमा नागरिक अधिकार संगठनहरू, श्रमिक युनियनहरू, एलबीजीटीक्यू प्लस समर्थकहरू, पूर्वसैनिकहरू र निर्वाचन कार्यकर्ताहरू लगायत १५० भन्दा बढी समूहहरू संलग्न थिए । प्रदर्शन स्थलहरूमा वाशिङ्टन डिसीका साथै अन्य राजधानीहरू र सबै ५० राज्यका अन्य स्थानहरू समावेश थिए ।
प्रदर्शनकारीहरूले ट्रम्प प्रशासनको हजारौं संघीय कर्मचारीहरूलाई निकाल्ने निर्णय, सामाजिक सुरक्षा प्रशासनका फिल्ड अफिसहरू बन्द गर्ने, पूरै एजेन्सीहरू बन्दजस्तै गर्ने, आप्रवासीहरूलाई देशनिकाला गर्ने, ट्रान्सजेन्डर व्यक्तिहरूका अधिकारहरू घटाउने र संघीय स्वास्थ्य कार्यक्रमहरूमा बजेट कटौती गर्ने कदमहरूको कडा आलोचना गरेका थिए ।
टेस्ला, स्पेसएक्स र सामाजिक सञ्जाल प्लेटफर्म ‘एक्स’ का मालिक तथा ट्रम्पका सल्लाहकार एलन मस्क जो नयाँ गठन गरिएको सरकारी दक्षता विभागका प्रमुख पनि हुन उनको विषयामा पनि विरोध भएको थियो ।
वाशिङ्टनको प्रदर्शनमा बोल्दै, अमेरिकी आवास तथा शहरी विकास विभागका कानुनी सल्लाहकार तथा श्रमिक युनियनका प्रतिनिधि पल ओसाडेबेले ट्रम्प, मस्क र अन्य प्रशासनका अधिकारीहरूलाई संघीय कर्मचारीहरूले दिने सेवाको अवमूल्यन गरेको आरोप लगाए ।
“अर्बपति र सर्वसत्तावादीहरूलाई मुनाफा र शक्ति बाहेक अरू केहीमा मूल्य छैन, उनीहरूले तपाईंको जीवन, तपाईंको समुदायको कुनै वास्ता गरेका छैनन्, अहिले हामी देखिरहेका छौं कि उनीहरूलाई आफ्नो उद्देश्य पुरा गर्नको लागि कसलाई नष्ट गर्नुपर्छ, को पीडित हुन्छ भनेर केही मतलब छैन ।”
म्यासाचुसेट्स राज्यको बोस्टन कमनमा हजारौं मानिस भेला भए, जसले “हाम्रो लोकतन्त्रबाट हात हटाओ,” “हाम्रो सामाजिक सुरक्षाबाट हात हटाओ” र “विविधता, समानता, समावेशीता अमेरिका बलियो बनाउँछ, हात हटाओ!” भन्ने प्लेकार्डहरू बोकेका थिए ।
ओहायो राज्यको कोलम्बसस्थित राज्यसभामा सयौं मानिसहरूले वर्षाको मौसममा प्रदर्शन गरे । ओहायो राज्यको डेलावेयर काउन्टीका ६६ वर्षीय अवकाशप्राप्त रोजर ब्रूमले कोलम्बसको प्रदर्शनमा भने, “म पहिले रेगन रिपब्लिकन थिएँ, तर ट्रम्पको व्यवहारले म धक्का खाएको छु । उनले यो देशलाई टुक्रा पार्दैछन् । यो गुनासोहरूको प्रशासन मात्र हो ।”
फ्लोरिडाको पाम बिच गार्डेन्समा पनि सयौं मानिसहरूले प्रदर्शन गरे। यो स्थान ट्रम्पको जुपिटरस्थित गल्फ क्लब नजिकै हो, जहाँ उनले शनिबार बिहान क्लबको सिनियर च्याम्पियनसिपमा भाग लिएका थिए । प्रदर्शनकारीहरूले पीजिए ड्राइभको दुवै किनारमा लाइन लागेर सवारीहरूलाई हर्न दिन आग्रह गरे र ट्रम्पविरुद्ध नाराबाजी गरेका थिए ।
ट्रम्प वा मस्कका विरुद्धमा यस्ता देशव्यापी प्रदर्शनहरू पहिले पनि भएका थिए । र अहिलेसम्म यो विरोध आन्दोलनले २०१७ मा ट्रम्पको पहिलो कार्यकालको उद्घाटनपछि वाशिङ्टन डिसीमा हजारौं महिलाहरू भेला भएका थिए ।
प्रतिक्रिया दिनुहोस्