काठमाडौं । नेपाल राष्ट्र बैंकका कायमुकायम गभर्नर नीलम ढुंगाना तिम्सिनाले निजी क्षेत्रतर्फ कर्जा प्रवाह नहुनु तथा पुँजीगत खर्च कम हुनु जस्ता चुनौती नेपाली अर्थतन्त्रसामु रहेको बताएकी छन् । नेपाल राष्ट्र बैंकको आइतबार ७० औं वार्षिकोत्सव कार्यक्रममा ढुंगानाले यस्तो बताएकी हुन् ।
कायमुकायम गभर्नर ढुंगानाले नेपालको बाह्य क्षेत्र सबल बन्दै गएको भए पनि निजी क्षेत्रतर्फ कर्जा प्रवाह नहुनु र पुँजीगत खर्च नहुनु जस्ता चुनौती रहेको उनले बताइन् । ‘हाम्रो वित्तीय पहुँच सुधार भएको छ ।
चालू आर्थिक वर्षबाट मुलुकको सबै स्थानीय तहमा बैंकको शाखा कार्यालय पुगेका छन्,’ ढुंगानाले भनिन्, ‘राष्ट्र बैंकले आवश्यक विभिन्न क्षेत्रमा सहुलियतपूर्ण नीति अवलम्बन गर्दै आएको छ ।’
प्रतिक्रिया दिनुहोस्