काठमाडौं । खानेपानी मन्त्री प्रदिप यादवले पदबाट राजीनामा दिएका छन् । उनले आज सामाजिक सञ्जाल फेसबुकबाट राजीनामा दिएको घोषणा गरेका छन् ।

युवापुस्ताले गरेको आन्दोलनको समर्थन र सरकार तथा र प्रशासनले गरेको दमनको विरोध गर्दै खानेपानी मन्त्रालयको मन्त्री पदबाट राजीनामा दिएको घोषणा गरेका छन् ।

‘प्रिय युवा भाई बहिनीहरु तपाई नै मेरो प्रथम सहयोगी र मेरो जोश र उर्जाका सुत्रधार हुनुहुन्छ । हिजो जेनजी युवा पुस्ताले गरेको आन्दोलनको समर्थन र सरकार र प्रशासनद्वारा गरिएको दमनको विरोध गर्दै म आफ्नो खानेपानी मन्त्रालयको मन्त्री पदबाट राजिनामा दिने घोषणा गर्दछु’ उनले भनेका छन् ‘हामी सबैलाई संयमता अपनाई युवा पुस्तालाई सहि मार्ग दर्शन दिन र सहयोग गर्न अपिल गर्दछु ।’